Халық Наурызды қалай тойлайды?

Ұлыстың ұлы күні Наурызды атап өту деңгейі елде жылдан жылға кең сипат алып, бірнеше күн тойлау мәдениеті қалыптасып келеді, деп хабарлайды 24kz.

Ұлттық дәстүр мен құндылықтарымызды айшықтайтын төл мерекені халық асыға күтетіні анық.

Әр отбасының бұл күнді өткізудегі өз дәстүрі де болуы мүмкін. Арна тілшісі осы жөнінде шағын сауалнама жүргізіп көрді. Халық Наурызға дайындықты неден бастайды және қалай тойлайды?

Блиц 1:

- Мен Маңғыстаудыкімін, бізде таңертең көрісуден бастайды. Қонақ алысып, көрісу деген бар. Әуелден келе жатқан халықтың, өзіміздің салт.

Блиц 2:

- Еттен бастаймыз ғой, ет аламыз, қазы-қарта деген сияқты. Наурыз көже пісіреміз. Көршілерді шақырып, ағайын-туыспен өткіземіз.

Блиц 3:

- Отбасымызбен бірге шығып, жерді аралап, бірге болып, бірге уақыт өткізіп, солай өткіземіз.

Блиц 4:

- Үлкен әжеміз ғой біз. Бауырсағымызды, етімізді кішкене қазы-қартамызды бәрін пісіріп, балапандарымды қонаққа шақырып, солай қарсы аламыз.