Астанада жолаушылар автобусы жүк тиегіш көлікпен соқтығысты (ВИДЕО)

Астанада №51 бағытындағы жолаушылар автобусы жүк тиегіш техникамен соқтығысып, жарық бағанасына соғылды, деп хабарлайды Skifnews .kz ақпарат порталы.

Astana press жазуынша, жол-көлік оқиғасы сағат 20:00 шамасында, әуежайға баратын жолда орын алған. Куәгерлердің айтуынша, автобус қалыпты режимде қозғалып келе жатқанда, кенеттен жүк тиегіш көлікпен соқтығысқан. Салдарынан жолаушылар автобустың ішінде құлап, абыржып қалған.

Астана қалалық полиция департаментінің мәліметінше, жүк таситын көлік жүргізушісі жол ережесін бұзған.

«Арнайы техниканың (жүк тиегіш көлік) жүргізушісі жолдың қиылысынан тыс жерде бұрылыс жасап, сол бағытта тікелей келе жатқан автобусқа жол бермеген. Нәтижесінде автобус жарық бағанасына соғылды. Жол апаты болған сәтте автобуста шамамен 15 жолаушы болған, зардап шеккендер жоқ», – делінген хабарламада.

Посмотреть эту публикацию в Instagram

Публикация от ASTANA KAZAKHSTAN (@astana__press)