«Салмақ қосып, беті толысқан»: Ербаян Мұхтардың қазіргі жағдайы белгілі болды (ФОТО)

Адвокат Инга Иманбай әскерде жараланған сарбаз Ербаян Мұхтардың денсаулығы жөнінде ақпарат берді, деп хабарлайды Skifnews.kz ақпарат порталы.

Әлеуметтік желідегі жазбасында Инга Иманбай Ербаянды көріп қайтқанын жазды. Адвокат Ербаянның алдағы емінің жалғасып, қылмыстық ісінің тергеу барысын ата-анасымен талқылаған.

"Шүкір, жағдайы бірқалыпты. Соңғы рет оны Ыстамбұлға ұшар алдында көрген едім. Қазір әлдеқайда жақсы: салмақ қосып, беті толысып қалған. Бір айдан кейін емнің екінші кезеңі – реабилитация басталады. Ербаянға да, ата-анасына да сіздердің ыстық ықыластарыңыз бен қолдауларыңызды жеткіздім. Олар барша халыққа алғысын жаудырып жатыр. Біз бірге қолдау көрсетіп, Ербаянның аяғына нық тұруына көмектесеміз! Ал қылмыстық іс бойынша – Ербаянды осы күйге түсіргендер тиісті жазасын алғанша күресті тоқтатпаймыз. Әділеттік үшін біргеміз!", – деп жазды Инга Иманбай.