Ғылым қалашығы - Курчатов қаласы

Президент Қасым-Жомарт Тоқаевтың Бурабайда өткен Ұлттық құрылтайда басшысы Курчатов қаласын екінші ғылыми қалашық ретінде бекіту туралы бастаманы көтеріп, оның стратегиялық маңыздылығын атап өтті. Президенттің айтқан сөзі еліміздің ғылыми инфрақұрылымын дамытудың жаңа кезеңіне жол ашты, деп хабарлайды El.kz ақпарат агенттігі .

Бұл шешім еліміздің ғылыми әлеуетін арттыруға, инновациялық жобаларды іске асыруға және жоғары технологиялық өндірістерді дамытуға серпін береді.

Курчатовтың ғылыми даму жолында алған орыны

Курчатов қаласының ғылыми зерттеу әлеуеті бүгінде толық қалыптасқан. Ондағы Ұлттық ядролық орталықтың қызметі ел үшін маңызды рөл атқарады. Орталықта жоғары деңгейдегі ғылыми зерттеулер мен әзірлемелер жүргізіліп, оның нәтижелері тек елімізде ғана емес, халықаралық деңгейде де кеңінен танылып жатыр. Сондай-ақ, қаланың өндірістік базалары ғалымдар үшін тәжірибе алмасу мен ғылыми нәтижелерді практикада сынақтан өткізу үшін қолайлы жағдайлар ұсынады.

Техника ғылымдарының кандидаты, қауымдастырылған профессор Сана Қабдрахманова осы мәселеге қатысты өз пікірін білдіріп, Курчатов қаласына ғылым қалашығы мәртебесін беру қадамының дұрыс шешім екендігін атап өтті. Оның пікірінше, Қазақстандағы техникалық бағыттағы ғылыми әлеуетті одан әрі дамыту үшін ғалымдарды осы салаға тарту аса маңызды.

Негізі бұл — өте дұрыс шешім деп есептеймін. Қазіргі кезде Ұлттық ядролық орталық институты қызметін жеткілікті атқарып, ғылыми зерттеу әлеуетін толық қалыптастырды. Елімізде техникалық бағыттағы мамандарды дамыту қарқынды үлес алып отыр. Осы салаға техникалық бағыттағы ғалымдарды көбірек тарту керек,- деді Сана Қабдрахманова.

Курчатовқа ғылым қалашығы мәртебесін беру қажеттілігі

Бұл мәселе соңғы бірнеше жыл бойы үнемі көтеріліп келеді. 2012 жылы Премьер-Министрдің өкімімен Курчатов қаласын ғылыми қалашық ретінде дамыту үшін арнайы жұмыс тобы құрылған болатын. Сондай-ақ, осы бағытта «Курчатов ғылыми қалашығы» кластерінің тұжырымдамасы және «Ғылымды қажет ететін аумақтар туралы» заң жобасы әзірленді. Бірақ, бүгінге дейін бұл мәселе шешімін тапқан жоқ.

Сенаторлар да Курчатовқа ғылыми қалашық мәртебесін беру мәселесін қолдаған еді. Соның бірі сенатор Лукин, ол бұл шешімнің тек ғылыми орталықтарды дамытуға ғана емес, қаланың инфрақұрылымын жақсартуға да үлкен әсер ететіндігін айтады. Оған қоса, бұл қадам моноқалаларға дем беру және өңірлерді белсенді дамыту тапсырмаларын орындауға мүмкіндік береді.

Курчатов қаласына ғылыми қалашық мәртебесін беру мәселесі көптеген жылдар бойы көтеріліп келеді. 2012 жылы Премьер-Министрдің өкімімен ғылым қалашығы туралы заңнаманы әзірлеу бойынша ұсыныс дайындау мақсатында жұмыс тобы құрылған болатын. Сонымен қатар, «Курчатов ғылыми қалашығы» кластерінің тұжырымдамасы және «Ғылымды қажет ететін аумақтар туралы» заң жобасы да әзірленді. Шын мәнінде, Курчатовтың ғылыми қалаға айналуына барлық негіз бар, бірақ мәселе бүгінгі күнге дейін шешілген жоқ. «Ғылым туралы» арнайы заңның қабылдануы Курчатов қаласының өзін де, онда орналасқан ғылыми орталықтарды да дамытуға қуатты серпін береді деп сенеміз. Осылайша, еліміздің Президенті Қасым-Жомарт Тоқаевтың Қазақстан халқына жолдауында айтылған «моноқалаларға дем беру» және «өңірлерді белсенді дамыту» туралы тапсырмасын орындауға мүмкіндік береді, — деді сенатор Лукин.

Қорытынды

Курчатов қаласының ғылыми қалашық мәртебесін алу мәселесі ұзақ уақыт бойы талқыланып келеді. Бүгінгі таңда бұл қадам еліміздің ғылыми даму стратегиясының маңызды бөлігіне айналып отыр. Ғылыми әлеуеті жоғары, зерттеулер мен тәжірибе алмасуға арналған мол мүмкіндіктері бар Курчатов қаласының мәртебесі ғылымды дамытуға, жаңа технологиялар мен инновациялық шешімдер әзірлеуге жол ашады.