ТЖМ мұз қауіптілігін ескертеді, 46 адам құтқарылды

Көктемгі мұзға шығу қауіпті болғандықтан, құтқарушылар мұзға шығудан бас тартуды әрі сақтық шараларын сақтауды ұсынады, деп жазады Egemen.kz.

Былтыр күзден бастап ТЖМ «Мұз-2025» республикалық үгіт-профилактикалық акциясы аясында мұзда адам өлімінің алдын алу бойынша ауқымды жұмыс жүргізіп жатыр.

— 20,5 мыңнан астам рейд пен патрульдеу жүргізілген.

— 122 мың адаммен профилактикалық әңгімелесу өткізілді.

— 71 мыңнан астам балықшы мен аңшыға нұсқау берілген.

— 1700 сауда нүктесінде 152 мың жадынама мен парақша таратылды.

ТЖМ еске салады:

— Бір адамға арналған мұздың қауіпсіз қалыңдығы кемінде 10 см.

— Қараңғыда, көріну нашар болған кезде, мұз қату және еру кезеңінде мұзға шығуға тыйым салынады.

— Мұздың қалыңдығы 10-нан 25 см-ге дейін және құтқару кеудешесі болған кезде ғана мұзда балық аулауға рұқсат етіледі.

Аталған маусым басталғаннан бері 46 адам, оның ішінде Алакөл көліндегі дрейфті мұзда қалған 25 балықшы және «Теріс Ащыбұлақ» су қоймасында мұздың сынған кесегінде қалып, жағадан алыстап бара жатқан 5 балықшы құтқарылды. Мұз астына түскен 11 автомобиль де шығарылған.