Елордалықтардың ұялы телефонында бір мезетте дыбыстық дабыл қосылды

Бүгін елордалықтардың ұялы телефонында бір мезетте дыбыстық дабыл қосылды, деп хабарлайды 24kz.

Цифрлық даму министрлігі бұл ұлттық ескерту екенін мәлімдеді. Сондықтан тұрғындардан тыныштық сақтап, үрейге бой алдырмауын сұрайды.

«Қазіргі уақытта Астана қаласында төтенше жағдайлар кезінде жаппай құлақтандыру жүйесіне қосу бойынша жұмыстар жүргізіліп жатқанын хабарлаймыз», — делінген ресми хабарламада. Бұдан бөлек, күндізгі 11:00 шамасында Төтенше жағдайлар министрлігі 9 өңірде дабыл жүйесін сынақтан өткізді. Сондай-ақ «Көктем» республикалық оқу-жаттығуының екінші кезеңі аясында солтүстік, шығыс және орталық аймақтардың алдағы су тасқынына дайындығы тексерілді.