Шымкентте Абай шығармаларын жатқа оқып, 1 млн теңге сыйақы алуға болады

Ұлы ойшыл, ақын Абайдың шығармаларын жатқа оқып, өмір жолын жетік білетін болсаңыз 1 миллион теңге сыйақы аласыз. Шымкенттегі Абай атындағы орталықтандырылған көпшілік кітапханалар жүйесі бас жүлдеге осындай бәйге тігіп, республикалық байқау жариялады. Оған 17-35 жас аралығындағы азаматтар қатыса алады. Байқау екі кезеңнен тұрады. Алғашында үміткерлер онлайн форматында Абай Құнанбайұлының кез келген шығармасын жатқа, мәнерлеп оқып, ұзақтығы 2-3 минуттан аспайтын бейнеролик түсіруі керек. Осы кезеңде әлеуметтік желі қолданушыларының ең көп қолдауына ие болған 22 қатысушы ақтық сынға жолдама алады. Жеңімпаздарды марапаттау 10 тамыз – Абай күнінде өтеді.

Нұрилә Жұман, Абай атындағы орталықтандырылған көпшілік кітапханалар жүйесінің басшысы:

Тек қана біз ақынның өмірі мен шығармашылығын насихаттау емес, ғалымдар тарапынан жүргізіліп жатқан қандай ғылыми зерттеулер бар, қандай тың деректер бар, соны да көбірек насихаттау мақсатында ұйымдастырылып отыр. Яғни, қатысушылар осы бағытта да жұмыс істейді.

Ғани Қалмаханов