Түркістанда кезектен заңсыз шығарылған мүмкіндігі шектеулі азаматқа пәтер қайтарылды

Түркістан облысында мүмкіндігі шектеулі азаматтардың құқықтары қорғалпы жатыр, — деп хабарлайды Massaget.kz тілшісі.

Түркістан облысының прокуратура органдарының қадағалау қызметі аясында 15 434 мүмкіндігі шектеулі азаматтың құқықтары қорғалды.

Аймақта жалпы саны 101 557 мүмкіндігі шектеулі азаматтар тіркелген.

Осы бағыттағы жұмыстар шеңберінде Ордабасы ауданы прокуратурасымен 1-топтағы мүгедек Ниязовтың тұрғын үй кезегінен заңсыз шығарылу дерегі бойынша тексеру жүргізілді.

Зерделеу нәтижесінде азаматтың кезектен заңсыз негізде шығарылғаны анықталды.

Бұл заңбұзушылық бойынша тиісті ұсыну енгізіліп, тұрғын үй бөлімі басшысы мен жауапты маман қатаң тәртіптік жауапкершілікке тартылды.

Қабылданған шаралар нәтижесінде тұрғын үй кезегі қалпына келтіріліп, Ниязовқа пәтер табысталды.

Облыс прокуратурасы мүмкіндігі шектеулі азаматтардың құқықтарын қорғау бағытында жүйелі және нақты шараларды жалғастырып жатыр.

Қызықты жаңалықтар мен видеоларды көру үшін TikTok арнамызға жазылыңыз!