Павлодар облысындағы дауыл: зардап шеккендер саны 16-ға жетті

Павлодар облысында дауылдан зардап шеккендер саны 16 адамға жетті, оның ішінде балалар да бар, — деп хабарлайды Massaget.kz тілшісі.

Әкімдік мәліметінше, 19 маусымда Павлодар облысында жылдамдығы секундына 43 метрге дейін жететін дауыл соққан. Дауыл инфрақұрылымға айтарлықтай зиян келтірген, жарық сөніп, халық арасында жарақат алғандар тіркелген.

"Төтенше жағдайлар қызметі мәліметі бойынша 16 адам зардап шеккен, оның ішінде үшеуі — бала. Ақсуда 1968 жылғы тұрғын қайтыс болды", — деп жазылған хабарламада.

Павлодарда 47 нысанның, соның ішінде 6 әлеуметтік мекеменің шатырына зақым келген. Ақсу мен Екібастұзда 23 нысан, Баянауыл ауданында 7 нысан зардап шекті, сондай-ақ, Май және Павлодар аудандарында ғимараттар бүлінген.

Ақсу және Баянауыл аудандарында электр қуаты өшкен.

Қазір апаттың салдарын жою бойынша жұмыстар жүргізіліп жатқаны айтылды. Байланыс және электрмен жабдықтау желілерінің 16 бағанасы қалпына келтіріліп жатыр. 300-ден аса адам және 103 арнайы техника жұмылдырылған.

Посмотреть эту публикацию в Instagram

Публикация от @pavlodar_region

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!