Түркістан облысында жол құрылысынан ақау анықталды

Өңір мен Қызылорда облыстарын байланыстыратын республикалық маңызы бар күре жолда күрделі жөндеу жұмыстары жүргізіліп жатыр, деп хабарлайды 24kz.

Биыл жолдың 2 шақырымын жаңарту жоспарланған. Ұлттық сапа орталығының аймақтық филиалы асфальт төсемесіне қажетті құрылыс материалдарынан 6 рет сынама алып, оның 4-еуі талапқа сай еместігін анықтады. Осыған орай мердігер мекемелер мен техникалық қадағалаушыларға қажетті нұсқаулар берілді. Нәтижесінде екі ақау жойылды.

Қайрат Шәкіров, «Жол активтері сапасының ұлттық орталығы» РМК Түркістан облысы филиалы директорының міндетін атқарушы:

- Сараптама барысында 1 ақау анықталды. Ол ақау қазіргі таңда орындалмаған. Жылдың соңына дейін орындап, ретке келтіру жұмыстарын жүргізеді. Сондай-ақ сараптама барысында біздің инженерлеріміз тарапынан жол құрылыс материалдары іріктелген болатын.