Мереке алдындағы тәлімді кездесу

Солтүстік Қазақстанның полиция ардагерлері Республика күні қарсаңында жас қызметкерлермен кездесті деп хабарлайды Egemen.kz.

Қызметтік міндет пен офицерлік ар-намысқа адалдық, өмірлік қиын сындар мен сабақтар туралы ардагерлер жас әріптестеріне тәлімді әңгімелер айтты. «Ұрпақтар сабақтастығы» тақырыбындағы осы шара Республика күні және Қазақстан Республикасының Мемлекеттік егемендігі туралы Декларацияның 35 жылдығы қарсаңында облыстық полиция департаментінің мұражайында өтті.

Тәжірибелі тергеушілер Атымтай Аманжолов пен Күлбарам Бәкенова, жедел уәкіл Фарит Бегишев жас полицейлерге заманауи техника мен байланыс құралдары болмаған кезеңдерде де табандылық пен заңға адалдықтың арқасында ауыр және күрделі қылмыстарды ашқан сәттерін еске алды. «Полиция қызметі ауыр, бірақ қызықты жағы да көп жұмыс» – деді өзінің сөзінде ПД тәлімгерлер кеңесінің төрағасы, полиция полковнигі Қапез Дәулетбаев.

ПЕТРОПАВЛ