Қазақ саз өнерінің сайыпқыраны атанған Нұрғиса Тілендиевке – 100 жыл

0:00:00

Жаңалықтарды Telegram арнамыздан оқыңыз!

Елордада атақты күйші, композитор, дирижер Нұрғиса Тілендиевтің 100 жылдығына орай музыкалық кеш өтті. Шараға жиналған зиялы қауым композитордың өмірі мен шығармашылық жолы туралы ойларын ортаға салып, азаматтық келбеті, сазгерлік қасиеті жөнінде естеліктерін бөлісті.

Еске алу кешінде оқушылар Нұрғиса Атабайұлының әндерін шырқады. Ал кітапхана қызметкерлері «Нұрғиса Тілендиев-100» атты кітап көрмесіне библиографиялық шолу жасады.

Айта кетейік, белгілі композитор 500-ден астам музыкалық төл туындылардың авторы, «Халық қаһарманы» орденінің иегері.

Бахытгүл Сынабаева, ҚР Ұлттық академиялық кітапханасының сектор жетекшісі:

Көрмеге 20-дан астам құжат қойдық. Көрмеде композитордың 1970 жылы шыққан ноталары, фотоальбомдары, мерзімді басылымдарда жарияланған мағлұматтарымен оқырмандар таныса алады.

Аида Ахметбек