Халықтың 70%-дан астамы мемлекеттің даму саясатына сенеді

Қоғамдық саясат институты халық арасында кезекті қоғамдық пікір сауалнамасын өткізді. Таңдама көлемі елдің барлық өңірлерінен 2000 респондентті қамтыды, деп жазады Egemen.kz.

Зерттеу 17 ақпан мен 6 наурыз аралығында «face-to-face» жаппай сауалнама әдісімен жүргізілді.

Алынған нәтижелерге сәйкес, азаматтардың 70%-дан астамы еліміз дұрыс бағытта дамып келе жатыр деп есептейді.

Сонымен қатар, негізгі билік институттарына деген сенім деңгейі бұрынғысынша жоғары деңгейде қалып отыр, бұл елде жүргізіліп жатқан мемлекеттік саясаттың тиімділігіне берілген лайықты бағаны көрсетеді.

Қоғам мен биліктің бірігу деңгейін халықтың қазіргі саяси (76,5%) және әлеуметтік-экономикалық (67%) жағдайды бағалауы да растайды.