Адам күніне қанша сағат ұйықтауы керек?

Сапалы ұйқы адам өмірі үшін өте маңызды, бұл оның физикалық және психикалық күйіне әсер етеді. Денсаулық сақтау министрлігі ересектер мен балалар қанша сағат ұйықтағаны жөн екенін айтты, — деп хабарлайды Massaget.kz тілшісі.

Денсаулық сақтау министрлігінің Медициналық көмекті ұйымдастыру департаменті бұл сауал адамның жасына байланысты екенін мәлімдеді:

• жаңа туған нәрестелер (0-3 ай): тәулігіне 14-17 сағат;
• сәбилер (4-12 ай): 12-16 сағат;
• 1-2 жастағы балалар: 11-14 сағат;
• 3-5 жастағы балалар: 10-13 сағат;
• 6-12 жастағы балалар: 9-12 сағат;
• 13-18 жас аралығындағы жасөспірімдер: 8-10 сағат;
• ересектер, яғни 18-64 жастағылар: 7-9 сағат;
• 65 жастан асқан қарттар: 7-8 сағат.

Дүниежүзілік денсаулық сақтау ұйымы ұйқы сапасын жақсартуға мынадай кеңестер береді:

• Ұйқы режимін сақтау: күнде бір уақытта ұйықтап, бір уақытта ояну, тіпті демалыс күні де;
• Ұйықтауға ыңғайлы жағдай жасау: жатын бөлмені желдету, тыныштық болуы, қараңғылық, ыңғайлы төсеніш пен жастықтарды пайдалану.
• Тұрақты физикалық белсенділік: жаттығу жасау, бірақ жаттығуды ұйқыға дейін 2-3 сағаттан кешіктірмей аяқтау.
• Дұрыс тамақтану: ұйықтар алдында ауыр тағамдардан, кофеиннен және ішімдіктен аулақ болыңыз.
• Ұйықтар алдында электрон құрылғыларды пайдалануды шектеу: ұйқыға дейін 2-3 сағат бұрын гаджеттерді пайдаланудан бас тарту.

Аптаның басты оқиғалары мен пайдалы видеоларды көру үшін YouTube арнамызға жазылыңыз