Су тасқыны: Ырғыз ауданына бөгеттерді нығайту үшін техника жіберілді

Су тасқынына қарсы іс-шараларды күшейту мақсатында Ақтөбе облысының Ырғыз ауданына мамандандырылған инженерлік техника жіберілді, деп хабарлайды El.kz ақпарат агенттігі.

Бөгеттерді нығайту, өзен арналарын тазарту және судың қауіпсіз ағынын қамтамасыз ету жұмыстарына Ақтөбе облысы ТЖД күштері, сондай-ақ ТЖМ әскери қызметшілері мен Есет батыр атындағы 20982 және Бауыржан Момышұлы атындағы 28237 әскери бөлімдерінің техникасы тартылды.

Ведомство құтқарушылар мен әскери қызметшілер тобы су тасқыны қаупін барынша азайту және елдімекендерді қорғау бойынша жұмыс жүргізіп жатқанын атап өтті.