Қазақстанда «Автокөліксіз бір күн» челленджі жарияланды

Туризм және спорт министрлігі «Таза Қазақстан» экологиялық акциясы аясында экосана мен салауатты өмір салтын насихаттау мақсатында бүгін «Автокөліксіз бір күн» челленджін өткізіп жатыр, деп хабарлайды El.kz ақпарат агенттігі.

Министрлік мәліметінше, челлендж шарты:

• Бір күн жеке автокөлікпен жүрмеңіз (мүмкіндігінше көлікке мүлде отырмаңыз).
• Балама көлік түрлерін пайдаланыңыз: велосипед, қоғамдық көлік, жаяу жүру, электросамокат.

Сол күнгі экокүнделігіңізді фото/видеоға түсіріп, #ТазаҚазақстан және #АвтокөліксізКүн хештегімен әлеуметтік желіге жүктеңіз, — делінген мәліметте.

Ведомство осы іс-шара арқылы қоршаған ортаға зиянды газдардың бөлінуін азайтуды, қоғамда экологиялық сананы арттыруды және салауатты өмір салтын қолдауды насихаттамақ.