Ұлттық қор қаражаты қолды болған

Павлодар облысында Ұлттық қор қаражаты ұрланғаны анықталды, — деп хабарлайды Massaget.kz тілшісі.

Павлодар ауданындағы нақты сектордың экономика бөлімінің басшысы лауазымын асыра пайдаланған. Бұл әлеуметтік нысан салу кезінде жасалған.

"Ауыл — ел бесігі" мемлекеттік бағдарламасы аясында Ұлттық қордан бөлінген қаражат есебінен Кемеңгер ауылында спорт-сауықтыру кешені салынған, оның құны — 382 млн теңге. Бюджет қаражаты жұмсалуын тексеру барысында мердігерге орындалмаған жұмыстар үшін 158 млн теңге төленгені анықталды", — деп жазылған хабарламада.

Аудан прокуратурасы материалдарды Қылмыстық кодекстің 361-бабы бойынша тіркеді, алдын ала тергеуді сыбайлас жемқорлыққа қарсы департамент жүргізген.

Павлодар облысының аралық сотының үкімімен бұрынғы шенді 3 жылға бас бостандығынан айырылып, мемлекеттік қызмет атқару құқығынан өмір бойына айырылды. Сот актісі заңды күшіне енген жоқ.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!