Ақтаудағы қоғамдық дәретханадағы жағаұстатар көрініс: жауаптылар жазаланды

Ақтау әкімдігінің қызметкерлері 15-шағынауданның жағасында орналасқан қоғамдық дәретхананы тексерді. Бұған дейін қала тұрғындары мұнда балалар еденде ұйықтап жатқанын айтты, — деп хабарлайды Massaget.kz тілшісі.

Әкімдік мәліметінше, суреттер 4 тамызда түсірілген. Бұл күні қоғамдық дәретхана кассирі жұмыста мас күйде жүрген, қасында балалар да болған.

"Бұл оқиғаға байланысты Ақтау әкімдігі осы нысанды ұстауға жауапты ұйымға қатаң сөгіс жариялады. Кассир жұмыстан шығарылды", — деді ведомство өкілі.

Еске салайық, бұған дейін Ақтаудағы қоғамдық дәретхана жұртты ашуландырды. Тұрғындардың сөзінше, дәретханада балалар ұйықтап жатқан, ал кассир мас болған.

Instagram парақшамызға жазылып, ең қызықты ақпараттарды бірінші болып оқыңыз!