БҚО-да жол апатынан сегіз адам мерт болды

Батыс Қазақстан облысында жол апатынан сегіз адам мерт болды. Қайғылы оқиға Чапай – Жаңақала – Сайқын облыстық маңыздағы жолдың 50-ші шақырымында болған. Онда Toyota Camry мен Volkswagen Sharan көліктері соқтығысып, біреуі жанып кетті.

Қаза тапқандардан бөлек, төрт жолаушы ауруханаға жеткізілді. Жол апатына қатысты қылмыстық іс қозғалды. «Ауа райы мен жол жабындысынан кедергілер болмаған», — дейді мамандар. Ал алдын ала болжамға сай жүргізушінің бірі қарсы бағытқа шығып кеткен болуы мүмкін. Оқиға орнында полицейлер, жедел тергеу тобы мен төтенше жағдай қызметкерлері жұмыс істеп жатыр.