«Кейбір салаларға жеңілдік жасалады»: Азамат Әмрин ҚҚС туралы түсіндіре кетті

ҚР Ұлттық экономика министрінің бірінші орынбасары Азамат Әмрин қосылған құн салығын өз еркімен төлейтіндерге кедергі жасалмайтынын айтады, деп хабарлайды Skifnews.kz ақпарат порталы.

«Қосылған құн салығының мөлшері 16 пайыз болады. Ауыл шаруашылығы өнімдерін өндіретіндер салықтың аталған түрінен толықтай босатылады. Дегенмен қосылған құн салығын өз еркімен төлейтіндерге кедергі жасамаймыз, өз еркі. Сондай-ақ кейбір салаларға жеңілдік жасап отырмыз», — деді Азамат Әмрин.

Өз кезегінде ұлттық экономика вице-министрі Азамат Әмрин салық реформасы шеңберінде ҚҚС сараланған мөлшерлемелерін белгілеу жөніндегі Үкіметтің ұсыныстарын айтты.

«Біз мынадай тетікті қарастыруды ұсынамыз: жалпы белгіленген ҚҚС мөлшерлемесі 16%, ауыл шаруашылығы өнімдерін өндірушілерді ҚҚС-тан толық босату, ал бірқатар салалар үшін – 10% мөлшеріндегі аралық мөлшерлеме. Осылайша, Үкімет ұсынып отырған мөлшерлемелерді саралау: 16%, 10%, 0% және босату», — деп түсіндірді Азамат Әмрин.