Эр-Риядтағы АҚШ пен Ресей келіссөздері: күн тәртібінде не талқыланып жатыр?

Сауд Арабиясында осыдан бірнеше сағат бұрын басталған АҚШ пен Ресей делегацияларының келіссөздері әлі жалғасып жатыр, деп хабарлайды 24kz.

Күн тәртібінде көп тақырып талқыға салынған. Соның ішінде Украинадағы қарулы қақтығысты реттеу мәселесі де бар. «Рейтер» агенттігі тараптар энергетикалық инфрақұрылымға соққы жасаудан 30 күнге бас тарту және Қара теңіз маңайында ұрыс қимылдарын жүргізбеу жайы қаралады деп жазды. Ал кеше осы Сауд Арабиясында АҚШ пен Украина өкілдері арасында қақтығысты реттеуге байланысты келіссөздердің екінші кезеңі өткен еді. Тараптар энергетикалық нысандар мен аса маңызды инфрақұрылымды қорғау мәселелерін ортаға салды. Ресми Киев жабық есік жағдайында өткен жиынның нәтижелі өткенін хабарлайды. The New York Times мәліметіне сай бүгін америкалықтар Ресей тарабымен кездесуден кейін тағы бір мәрте Украина өкілдерімен келіссөздердің үшінші раудын жүргізуі тиіс. Бұл ақпаратты Владимир Зеленскийдің кеңсесі де растап отыр.