Алматы тұрғыны жалған хабар бергені үшін сотталып кетті

Алматы тұрғыны вокзалда бомба бар екені туралы жалған хабар бергені үшін сотталды, — деп хабарлайды Massaget.kz тілшісі.

Алматы қаласының 44 жастағы тұрғыны теміржол вокзалдарына жарылғыш зат қойылғаны туралы бірнеше жалған хабар бергені үшін 4 жылға бас бостандығынан айырылды. Ол жазасын өтеу барысында төрт рет таксофон арқылы қоңырау шалып, жарылғыш зат қойылғанын хабарлаған.

"Оның әрекеттері эвакуация және төтенше қызметтердің жұмылдырылуына себеп болды. Жалған дабыл салдарынан мемлекеттік органдарға келтірілген шығын 3,3 млн теңгеден асты. Сот ер адамды Қазақстан Республикасы Қылмыстық кодексінің 273-бабы бойынша кінәлі деп таныды", — деп жазылған хабарламада.

Сотталушы мемлекетке келтірілген шығынды өтеуге және өтемақы төлеуге міндетті.

Аптаның басты оқиғалары мен пайдалы видеоларды көру үшін YouTube арнамызға жазылыңыз