Үкімет басшысы өңірде ядролық кластер құру барысын тексерді

0:00:00

Жаңалықтарды Telegram арнамыздан оқыңыз!

Қазақстан әлемдегі уран экспортының 43 пайызын қамтамасыз ететін көшбасшы ел. Толық ядролық отын цикліне көшу экономикамыздың дамуына серпін береді. Абай облысына жұмыс сапарымен барған Үкімет басшысы осылай деді. Олжас Бектенов Президенттің өңірде ядролық кластер құру жөніндегі тапсырмасының жүзеге асырылу барысын тексерді. Ол бұрынғы Семей полигонындағы «Балапан» сынақ алаңын, «Атом көлі» мен шахталық іске қосу қондырғыларын аралап, «Байкал-1» ядролық зерттеу реакторының жұмысымен танысты. Бұдан бөлек, Ұлттық ядролық орталықта энергетикалық қауіпсіздік мәселелері бойынша кеңес өткізді. Сондай-ақ Курчатов аумағында ғылыми қалашықтарды дамыту жолдары қаралды. Премьер-министр қолда бар әлеуетті ашуда және стратегиялық мәселені шешуде ғалымдарға жан-жақты қолдау көрсету қажеттігін атап өтті. Бірқатар тапсырма берді.

Серік Жұмабек