Қазақта зираттар ұлттық қауіпсіздік үшін қолданылған – теолог Асқар Сабдин (ВИДЕО)

"Қазақ даласындағы зираттарды тек діни тұрғыдан қарастыру дұрыс емес, олар әлеуметтік және саяси маңызға ие орындар ретінде қарастырылған ". Бұл пікірді исламтанушы-теолог Асқар Сабдин айтты, деп хабарлайды Skifnews.kz ақпарат порталы.

"Қазақтың бұрынғы даласындағы зираттар ол – ұлттық қауіпсіздік мәселесіне айналған. Себебі, шекараны зираттар арқылы белгілеген.

Көшпелі қоғамда шекара қызметі тұрақты болмағандықтан, ру-тайпалар өз аумағын белгілеу үшін зираттарды ерекше нышан ретінде пайдаланған. Бұл құбылыс зираттардың діни ғана емес, қоғамдық қызмет атқарғанын да көрсетеді.

Тарихи тұлғалардың зираттарына бару – ұлттың рухани және тарихи жадының сақталуына ықпал ететін маңызды үрдіс.

Мұндай орындарда арнайы әдеп нормаларын сақтау қажеттілігі – тек мәдени дәстүрдің емес, шариғат талаптарының да бір бөлігі.

Себебі марқұмдарға құрмет көрсету – мұсылмандық этиканың ажырамас бөлшегі", — дейді теолог Асқар Сабдин.

Посмотреть эту публикацию в Instagram

Публикация от Асқар Сабдин (@askar_sabdin)