Словения президенті Димаш Құдайбергеннің жанкүйері болып шықты

Словения президенті Наташа Пирц-Мусар Димаш Құдайбергеннің жанкүйері болып шықты, — деп хабарлайды Massaget.kz тілшісі.

Астанаға сапары кезінде Наташа Пирц-Мусар Қасым-Жомарт Тоқаевқа Димаш Құдайбергеннің жанкүйері екенін айтқан. Бұл туралы журналист Әділ Балтабаев жазды.

Ақорда

"Мемлекет басшысы елге келген қонақты қуантты. Словения президенті қатты қуанғаны сонша — өз-өзіне сенбей бірнеше рет қайта сұрады.

Қабылдау кезінде ол Димашпен қол алысып, концертінде болғанын айтты. Димаш бұл туралы естігенін айтып, мұндай көңіліне алғысын жеткізді", — деп жазды ол.

Еске салайық, бұған дейін 31 наурыз — 1 сәуір күндері Словения президенті Наташа Пирц-Мусар Қазақстанға ресми сапармен келетіні хабарланды.

Ертең екі ел арасындағы іскерлік байланысты дамытуға айрықша назар аударылып, Қазақстан-Словения бизнес-форумы өтеді.

Аптаның басты оқиғалары мен пайдалы видеоларды көру үшін YouTube арнамызға жазылыңыз