Шавкат Рахмонов титулдық жекпе-жектен бас тартты: UFC қалай қабылдады

UFC-дегі қазақстандық файтер Шавкат Рахмоновтың менеджері Саят Әбдірахманов промоушеннің қазақстандық спортшының жекпе-жектен бас тартуына қалай қарағанын айтып берді, — деп хабарлайды Skifnews.kz ақпарат порталы Tengri Sport басылымына сілтеме жасап

UFC Шавкат Рахмоновқа жартылай орта салмақтағы чемпион Белал Мұхаммадқа қарсы титулдық жекпе-жек ұйымдастырған болатын. Алайда "Номад" денсаулығына байланысты кездесуге қатыса алмады. Оның менеджері Саят Әбдірахманов UFC бұл жағдайға түсіністікпен қарап, келесі жекпе-жекте титул үшін күресуге уәде бергенін жеткізді.

"UFC-ге Канададағы турнирде тағы бір титулдық жекпе-жек қажет болды. Чемпион Белал болғандықтан, олар бізден ұзақ уақыт бойы жекпе-жекке дайындық туралы сұрады. Біз бар күшімізді салдық, бірақ, өкінішке қарай Шавкат 100 пайыз дайын бола алмайтын еді, сол себепті бұл жекпе-жекке шықпауға шешім қабылдадық. UFC бізге "Ештеңе етпейді, қазір басқа біреу төбелеседі, сен келесі боласың деді", – деп мәлімдеді Саят Әбдірахманов.

Айта кетейік, бұған дейін Белал Мұхаммад UFC 310 турнирінде Шавкат Рахмоновпен кездесуден бас тартқан болатын. Ол сүйек инфекциясына байланысты жекпе-жекке шыға алмады. Оның орнына ирландиялық Иан Мачадо Гэрри октагонға көтерілді.