Ақтауда әскери кемелер шеруі өтеді

Ақтауда Қазақстан Республикасының Әскери-теңіз туы көтерілгеніне 29 жыл толуына орай салтанатты іс-шара өтеді, — деп хабарлайды Massaget.kz тілшісі Ақтау гарнизонының баспасөз қызметіне сілтеме жасап.

Ақтау гарнизоны баспасөз қызметінің жетекшісі Нұрбол Шалабаевтың айтуынша, мерекелік шара осы жексенбі, 17 тамызда сағат 10:00-де 15-ші шағынаудандағы амфитеатр маңында ұйымдастырылады. Іс-шара Қазақстан Әскери-теңіз күштері туының көтерілгеніне 29 жыл толуына арналады.

Мерекелік бағдарлама аясында:

• Әскери-теңіз күштерінің әскери кемелер шеруі;
• Ақтау гарнизонының жеке құрамының жаяу парады;
• Ұрыс дайындығы бойынша көрсетілімдер, соның ішінде теңіз десантының түсуі мен қолма-қол ұрыс тәсілдері;
• Өнерпаздар ұжымдары мен ӘТК әскери оркестрінің қатысуымен концерттік бағдарлама өтеді.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!