БҚО-да жедел желі іске қосылды

0:00:00

Жаңалықтарды Telegram арнамыздан оқыңыз!

Батыс Қазақстан облысында су тасқынының алдын алуға байланысты облыстық штаб жанынан жедел желі іске қосылды. Өңірде күн күрт жылынып, қар ери бастады. Орал қаласымен қатар ауыл-аймақта да тасқынның алдын алу шаралары күшейтілді. Бүгінге дейін өңірде 872 мың текше метр қар шығарылып, қауіпті учаскелерден 19 мың текше метр қарғын су сорылған. Арықтар да қар мен мұздан аршылып жатыр. Қалалық жедел желіге «ауламызға су кірді» деген тұрғындардан 81 шақырту түскен. Сәйкесінше қала алты аумаққа бөлініп, әр көше төтенше жағдайлар басқармасы мен жергілікті атқарушы орган мамандарының бақылауына алынды.Су басу қаупі бар елдімекендерде кезекшілік қойылды.

Дархан Еркінұлы, қалалық тұрғын үй, коммуналдық шаруашылық бөлімі басшысының орынбасары:

Бүгінгі таңда 25 көшеде қар шығару жүргізіліп жатыр. 30 көшеде су сору жұмысы жүріп жатыр. Тұрғындар шағымдар болса, call-орталықтың 50-02-55 нөміріне хабарласуына болады. Үйге су кіру фактілері анықталған жоқ. Аулаларды су басу деректері бар. Ол жерлерде жұмыс жүріп жатыр.

Ардақ Мұратқызы