Ақтөбе облысында елдімекендерге су кіре бастады

Наурыздың 16-нан бастап Ақтөбе облысы аумағында ауа температурасының күрт жылынуынан қар жылдам еріп, елдімекендерге су кіре бастады.

Ең алдымен Ойыл елдімекеніне кіреберістегі көпірді қарғын су бұзып кетуінен аудан орталығымен көлік қатынасы тоқтады. Қазіргі уақытта аудан орталығы тұрғындары арғы бетке моторлы қайықпен өтіп жүр. Ойыл өзені әлі тасыған жоқ. Өткен жылы су тасқыны кезінде Ойыл өзені бойындағы көпірді бұзып кетіп, оның орнына салынатын құрылысты биылғы көктемде бастау жоспарланған еді. Оның бюджеті 2,6 млрд теңге. Мердігері – «ТенгизСтройСервис» ЖШС-і. Жоба қыста сараптамадан өткен.

Сондай-ақ Ақтөбе қаласының іргесіндегі Қурайлы, Жаңақоныс, Бауырластар тұрғын алаптарына да су кіру қаупі жоғары болуынан, су бағытын бұру, арналарды бекіту жұмыстары жалғасып жатыр. Ақтөбе қаласы әкімі Азамат Бекеттің хабарлауынша, қаланың коммуналдық мекемелері, құтқару қызметі күшейтілген режимге көшірілді. Дәл қазіргі уақытта өзен арналарына жақын орналасқан елдімекендерге су басу қаупі төніп тұрған жоқ.

Ақтөбе облысы