«Ertis» телеарнасында Хамза Тоқпанов атындағы студия ашылды

Журналистер күні қарсаңында Ұлттық телеарнаның Павлодар филиалы «Ertis» телеарнасында жаңа студия ашылды. Оған арнаның негізін қалаған, қоғам қайраткері, екінші дүниежүзілік соғыс ардагері Хамза Тоқпановтың есімі берілді. Марқұм өңірдің телерадио хабарларын тарату комитетін 23 жыл басқарды. Осы уақытта шығармашылық ұжым дайындаған телехабарлар, жаңалықтар, бағдарламалар тұтас бір дәуірдің шежіресіне айналды. Жаңа студияның ашылуы – аймақ тележурналистика тарихына көрсетілген құрмет, деді салтанатты шараға қатысқан сала ардагерлері.

Гүлбарам Науразбаева, Еңбек ардагері:

Ол кісі осы елдің нағыз жанашыры болған. Елім, жерім деп жүрген азамат. Күлтегін тасында қашалған сөз бар ғой «күн отырмадым, түн ұйықтамадым, қызыл қанымды төктім түркі халқы үшін» деген. Сондықтан мен ойлаймын Хамза Махамбетұлы нағыз сондай тұлға.

Болат Аманбай