«Қорқыт ата» халықаралық әуежайы жолаушылар ағынын арттырды

300 мыңнан 500 мың адамға дейін өткізуге мүмкіндігі бар. Бұл жайында Мемлекет басшысының Қызылорда облысына сапары барысында мәлім болды.

Нысан халықаралық азаматтық авиация комитеті мен халықаралық әуе көлігі қауымдастығының жоғары стандарттарына сай. Әуе айлағынан Air Astana, FlyArystan және Qazaq Air сияқты әуе компаниялары аптасына 29 рейс орындайды. Қазіргі кезде терминал жанынан «Қазаэронавигация» мекемесі жаңа диспетчерлік мұнара мен әкімшілік-техникалық ғимараттың құрылысын жүргізіп жатыр. Жобаның іске асуы Сыр өңірінің көлік инфрақұрылымын дамытып, туристік әлеуеті мен инвестициялық тартымдылығын да арттыруға септігін тигізеді.