Түркістанда ұлттық киім күніне арналған көрме өтті

Түркістан қаласындағы «Ұлы дала елі» орталығында 18 наурыз – Ұлттық киім күніне орай арнайы көрме ұйымдастырылды.

Бұл көрме қазақтың ұлттық киімдерінің алуан түрлілігін, олардың тарихы мен мәдени маңызын насихаттауға бағытталған.

Көрмеде қазақтың дәстүрлі киім үлгілері, соның ішінде шапан, сәукеле, кимешек сияқты ұлттық киімдер қойылды. Әрбір киімнің өзіндік мәні мен ерекшелігі бар, олардың жасалу әдістері мен қолданылу дәстүрі келушілерге кеңінен таныстырылды. Іс-шара барысында келушілерге ұлттық киім үлгілерінің аймақтық ерекшеліктері көрсетіліп, олардың ерекшеліктері мен символдық мағынасы туралы ақпарат берілді.

Көрме қонақтары қазақтың ұлттық киімдерін киіп, арнайы фотоаймақта суретке түсу мүмкіндігіне ие болды. Сонымен қатар, ұлттық қолөнер шеберлерінің жұмыстары таныстырылып, олардың жасаған бұйымдары да көпшілікке ұсынылды.

Түркістан облысының Өңірлік коммуникациялар қызметі