СҚО-да 5000-ға жуық бала арнайы және инклюзивті білім алады

Солтүстік Қазақстан облысында 5000-ға жуық бала арнайы және инклюзивті білім алады, деп хабарлайды 24kz.

Олар үшін балабақша, мектептерде қосымша қолдау кабинеттері ашылды.

Бірақ өңірде оңалту орталығы жоқ. Сондықтан ата-аналар көрші Ресей еліне немесе Астана қаласына барып ем алуға мәжбүр. Оның жолдамасы да бірден беріле қоймайды. Сондықтан мүгедектігі бар бала тәрбиелейтін отбасылар осындай бөлек ұйымның ашылғанын құптайды.

Ғалия Баязитова, педагог-психолог:

- Бір балада мысалы диагноз емес, 3-4 диагноз болуы мүмкін. Яғни, ол бала мемлекеттен көмек тосқанша бір жыл өтеуі мүмкін. 8 ай өтуі мүмкін тегін бару үшін. Ал енді ақша ретінде төлейтін болса, бұл енді өте күрделі мәселе. Себебі, өте қымбат. Сол себепті ондай мәселені көтерген дұрыс.

Нұржайнар Тәжібаева, қала тұрғыны:

- Қазір иә, шынымен де аутизммен ауыратын балалар көбейіп кеткен. Әр қалада реабилитациялық орталықтар ашылу керек деп ойлаймын. Себебі мен өзім анамын. Ол аналар үшін де, ата-аналар үшін де кәдімгідей көмек болушы еді, Үкімет жағынан осындай қолдаулар болса.