Елімізде үш республикалық маңызы бар жол жабылды

25 наурыз сағат 18:00 жағдай бойынша еріген қар суының салдарынан үш облыстағы үш республикалық маңызы бар автомобиль жолдарында көлік қозғалысына шектеу қойылды. Бұл туралы «ҚазАвтоЖолға» сілтеме жасай отырып El.kz ақпарат агенттігі хабарлайды.

Ақтөбе облысы:

- «Қандыағаш — Ембі — Шалқар — Ырғыз» автожолының 3-92 шақырым аралығы (Қандыағаш қаласы — Ембі қаласы).

Қостанай облысы:

- Қазақстан мен Ресей арасындағы бейтарап аумақтағы Мариновка ауылына жақын аймақта (РФ шекарасы).

Солтүстік Қазақстан облысы:

- «Петропавл қаласының айналма жолы» автожолының 4-7 шақырымы аралығында (Қожаберген жырау айналма жолынан Есіл өзені арқылы өтетін көпірге дейін).

Қазіргі таңда республикалық жолдарды күтіп-ұстауға 260 арнайы техника мен 574 маман жұмылдырылды.