Еліміздің төрт қаласында ауа сапасы нашарлайды

"Қазгидромет" РМК 2025 жылғы 26 наурызға арналған ауа сапасы туралы болжамын жариялады.

Метеорологтардың мәліметінше, Ақтөбе, Астана, Алматы және Қостанай қалаларында қолайсыз метеорологиялық жағдайлар күтіліп, ауаның ластану деңгейі артуы мүмкін, деп жазады inbusiness.kz сайты.

Мұндай жағдай атмосфераның төменгі қабаттарында зиянды заттардың шоғырлануына себеп болатын метеофакторлармен (желдің баяулығы, тұман, температуралық инверсия) байланысты.

Тұрғындарға ашық ауада ұзақ уақыт болудан аулақ болып, денсаулықтарына ерекше назар аудару ұсынылады.