Қазақстан USAID бағдарламасынан 10 млн долларға жуық көмек алған

Қазақстан АҚШ-тың халықаралық даму агенттігінен (USAID) 2024 жылы елімізді қаржыландыруға 10 миллион доллардан аз қаражат алған, деп хабарлайды finprom.

2025 жылдың қаңтарында ААҚШҚШ президенті Дональд Трамп әкімшілігі 90 күндік тексеру үшін USAID арқылы берілетін шетелдік көмектердің барлығын дерлік тоқтатты. Бұл қаржыландырудың жаңа "американдық мүдделерге" бағытталған саясатқа сәйкес келуін қамтамасыз ету үшін жасалды.

USAID әлемдегі ең ірі қаржылық донор болып табылады, 2014 жылдан 2024 жылға дейін агенттік төлемдері 280,9 миллиард долларды құрады.

2024 жылы USAID төлемдерін ең көп алушы Украина болды: $5,4 млрд. Ресеймен соғыс басталғаннан бері көмектің жалпы сомасы 30 миллиард доллардан асты, ал бұрын төлемдер жылына 224 миллион доллардан аспайтын. Украинадан кейін Иордания, Эфиопия және Конго Демократиялық Республикасы тұр: әр елде $1,2 млрд.

Орталық Азия мен ЕАЭО елдері арасында 2024 жылы USAID төлемдерінің ең көп көлемі Тәжікстанға түсті: $60,3 млн. Екінші орында Армения: 55,1 миллион доллар. Сондай-ақ Өзбекстанға (40,3 миллион доллар), Қырғызстанға (35,5 миллион доллар) және Белоруссияға (30 миллион доллар) қомақты сомалар жөнелтілді. Ең аз төлемдерді Түрікменстан (2,9 млн доллар) мен Ресей (451,2 мың доллар) алды.

Қазақстан үшін төлем көлемі небәрі 9,5 миллион долларды құрады. Дегенмен, бұл 2023 жылмен салыстырғанда 28,9%-ға артық. Бұл соманың жартысына жуығы негізгі денсаулық сақтау саласына (4,8 млн доллар) бөлінген. Сондай-ақ мемлекеттік басқару мен азаматтық қоғамды қолдауға (2 млн доллар), оның ішінде адам құқықтарын қорғауға (510 мың доллар) және БАҚ пен еркін ақпарат ағынын дамытуға (340 мың доллар) қомақты қаражат бөлінді.

Соңғы 10 жылда Қазақстан USAID-тен 151,8 млн доллар алғаны атап өтілді.