Теміртауда жасөспірімдер зейнеткерді аяусыз ұрып-соққан

Теміртауда жасөспірімдер 67 жастағы науқас зейнеткердің пәтеріне электр қызметкері ретінде алдап кіріп, кейін оған қорлық көрсеткен, деп хабарлайды Egemen.kz.

Әлеуметтік желілерде қарияны аяусыз соққыға жығу сәті түсірілген видео тараған. Бейнежазбада жасөспірімдердің зейнеткердің бетінен ұрып, оған түкіріп және балағат сөздер айтып жатқан сәттері көрініс тапқан.

Қарағанды облысының полиция департаменті жасөспірімдердің жеке басы анықталғанын хабарлады.

«Бұл жағдай учаскелік инспекторлардың алдын алу жұмыстары барысында анықталды. Барлық кінәлілер, оның ішінде кәмелетке толмағандар да ұсталып, уақытша ұстау изоляторына қамалды. Кәмелетке толмағандардың заңды өкілдері жауапкершілікке тартылады», делінген хабарламада.