Төтенше жағдайлар министрлігінің мамандары жаңа туған нәрестені құтқарып қалды

Кішкентай шақалақ дүниеге кеше келген.

ҚР Төтенше жағдайлар министрлігі "Қазавиақұтқару" экипажы Қызылорда – Жаңақорған – Қызылорда бағыты бойынша медициналық авиация желісімен жаңа туған қыз баланы тасымалдау бойынша рейс орындады, деп хабарлайды inbusiness.kz сайты.

Ұшу медициналық бригаданың қатысуымен жүзеге асырылды. Экипаждың ұшуын әуе кемесінің командирі Назель Нұрғалиева басқарды, екінші ұшқыш – Бейсенғали Тоғызбаев.

Ұшқыштар мен медицина қызметкерлерінің үйлесімді жұмысының арқасында пациент мамандандырылған медициналық мекемеге сәтті жеткізіліп, дәрігерлердің қолына табысталды.