ІІМ туристер үшін қауіпсіздік шараларын күшейтіп жатыр

Үкімет отырысында Ішкі істер министрі Ержан Сәденов туристердің қауіпсіздігін қамтамасыз ету бойынша қабылданып жатқан шаралар туралы айтты

Бұл туралы Caravan.kz медиа порталы Zakon.kz-ке сілтеме жасап хабарлайды.

Туристік аймақтарда туристік полиция бөліністері жұмыс істейді. Қызметкерлер шет тілдерін меңгерген, танымал орындар мен ұлттық парктерде қызмет атқарады, қоғамдық тәртіпті қамтамасыз етіп, кеңес береді.

Туристік нысандарда бейнебақылау камералары мен дабыл түймелері орнатылған.

Жеке тасымалдаумен заңсыз айналысу фактілерінің жолы кесіліп, тұрақты түрде жедел — алдын алу шаралары өткізіледі, транзиттік жүргізушілерге көмек көрсетіледі.

ІІМ Туризм министрлігімен туроператорлар және ТЖМ-мен туристік маршруттардағы қауіпсіздік мәселелері бойынша өзара жұмыс істейді.

«Қазақстанға келетін шетелдік азаматтардың қауіпсіздігін арттыру бағытындағы жұмыс жалғасын табады», — деді Ержан Сәденов.