Ғасыр нейрохирургі атанған дәрігер қайтыс болды

Түркияның танымал нейрохирургі, профессор Ғази Яшаргил өмірден озды, деп хабарлайды El.kz интернет порталы .

Бұл туралы Түркияның денсаулық сақтау министрі Кемаль Мемишоғлу өзінің X (бұрынғы Twitter) парақшасында хабарлады, деп жазады Oxu.Az.

Ғылымға бар ғұмырын арнаған, нейрохирургия саласында теңдесі жоқ еңбек сіңіріп, ғасыр нейрохирургі атағын алған профессор Ғази Яшаргилдің қайтыс болғаны туралы қайғылы хабар жетті. Ол өмір бойы өзгелерге үлгі боларлық істер атқарды. Біз оның есімін мәңгі есте сақтаймыз, – деп жазды министр.

Ғази Яшаргил — әлемдік нейрохирургия саласында аты алтын әріппен жазылған ғалым. Ол микронейрохирургияны дамытып, нейрохирургтерге арналған жаңа әдіс-тәсілдер мен құралдар енгізді. Оның еңбектері бүгінгі таңда көптеген елдерде стандарт ретінде қабылданған.

Бұған дейін Түркияда қала басшысы тоқ соғып қайтыс болғанын жазған едік.