Иранда Израиль шабуылынан 220-дан астам адам қаза тапты

Бұл туралы Иран Денсаулық сақтау министрлігінің ресми өкілі Хосейн Керманпур мәлімдеді, деп хабарлайды ТАСС.

Израильдің Иранға жасаған жаппай шабуылынан 224 адам қаза тауып, 1200-ден астамы жарақат алды.

– Израильдің 65 сағатқа созылған агрессиясы салдарынан жараланғандар мен қаза тапқандардың жалпы саны 1 481 адамға жетті. Оның 1 277-сі университет клиникаларына жеткізілді. Қазіргі мәлімет бойынша, 224 адам көз жұмды, – деп жазды ол X желісіндегі парақшасында.

Керманпурдың айтуынша, зардап шеккендердің 90%-дан астамы – бейбіт тұрғындар, оның ішінде әйелдер мен балалар бар.