Ақтөбеде тұрғын үйдегі өрттен 8 адам құтқарылды

Бүгін Ақтөбе қаласының Алматы ауданында Ы.Алтынсарин көшесіндегі бес қабатты тұрғын үйдің екінші қабатындағы пәтерде үй жиһаздары мен тұрмыстық заттар өртенді, деп хабарлайды El.kz интернет порталы.

Төтенше жағдайлар министрлігінің қызметкерлері жедел әрекет етіп, жоғарғы қабаттардан 8 адамды эвакуациялады. Олар жанған заттардың түтінінен улану қаупінен аман қалды.

Өрт 3 шаршы метр аумақта сөндірілді. Зардап шеккендер жоқ, — деп мәлімдеді ТЖМ баспасөз қызметі.

ТЖМ тұрғындарға ескерту жасай отырып, түтінге толы кеңістік өте қауіпті екенін қаперге салады.