Израиль атысты тоқтатуға келісті

Израиль үкіметі Иранға қарсы операция мақсатына жеткенін, тіпті артығымен орындалғанын жариялап, атысты тоқтату туралы Дональд Трамптың ұсынысымен келісетінін мәлімдеді, — деп хабарлайды Massaget.kz тілшісі RBC-ге сілтеме жасап.

Израиль тарапы келісім бұзылған жағдайда қатаң жауап беретінін жеткізді.

Израиль билігі АҚШ президенті Дональд Трамп жариялаған Иранмен әскери қақтығыста атысты тоқтату режимі күшіне енгенін растады. Бұл туралы 24 маусымда таңертең Израиль премьер-министрі Биньямин Нетаньяхудың кеңсесі хабарлады.

Мәлімдемеге сүйенсек, Нетаньяху өз кабинетіне Израиль барлық әскери мақсатына қол жеткізгенін хабарлаған.

Еске салайық, бұған дейін Тегеран Израильмен бітімгершілік шартын атады.

Instagram парақшамызға жазылып, ең қызықты ақпараттарды бірінші болып оқыңыз!