Ақтөбе облысында ірі қара қауіпті індеттен қырылып жатыр

Аймақтағы шаруа қожалығына карантин енгізілді.

Ақтөбе облысында 4 бас ірі қара белгісіз аурудан өлді. Оқиға Көптоғай ауылдық округіндегі "Мәтжан" шаруа қожалығында тіркелген. Бұл туралы inbusiness.kz сайты Диапазон басылымына сілтеме жасап хабарлайды.

Ветеринарлар оқиға орнына барып, өлген малдан сынама алып, облыстық зертханаға жіберді. Онда сараптама малдың эмкардан өлгенін көрсетті.

"Өлген жануарлардың денелері қорымға жеткізіліп жойылды, қалғандары бақылауда", – деді ветеринария басқармасынан.

"Мәтжан" шаруа қожалығында 243 бас ірі қара, 762 бас ұсақ мал, 7 жылқы бар. 27 ақпанда Көптоғай ауылдық округі әкімінің шешімімен шаруашылықта карантин енгізілді.