Николай Будков Кьер Президент кубогы үшін челленджер турнирінің жеңімпазы атанды

Елордада теннистен Президент кубогы үшін челленджер турнирі аяқталды.

Финалда әлемнің 187-ракеткасы, норвегиялық Николай Будков Кьер рейтингіде 420-орындағы италиялық Александр Биндуді 6:4, 6:3 есебімен ұтты, деп хабарлады Қазақстан Теннис федерациясы.

Осылайша, 18 жастағы норвегиялық теннисші 8 350 долларға қоса 50 рейтингілік ұпайға ие болды. Бұл – оның спорттық жолындағы челленджер жарысындағы үшінші титулы.

Жұптық сында жапониялықтар Тайсей Ишикава – Кокоро Исамура үздік шықты. Олар соңғы бәсекеде филиппиндік Фрэнсис Алькантара – кореялық Сун Пакты ұтты – 7:5, 2:6, 10:5.

Beeline Janymda. Матчтарды көріп, алған әсеріңізді кез келген жерде бөлісіңіз!

Оқи отырыңыз:

• Президент кубогы: Астанадағы челленджер турнирінде Қазақстан намысын кімдер қорғайды
• Президент Кубогының басты фавориттерінің бірі ширек финалға шықты