Алматыда тауда адасқан 4 адам құтқарылды

Төтенше жағдайлар министрлігі тауда абайлап жүруге шақырады.

Алматы қаласының төтенше жағдай департаментіне "Башута" шыңынан түскен кезде 4 адамның адасып кеткені туралы хабар түскен, деп жазады inbusiness.kz сайты.

Құтқарушылар таулы аумақпен шамамен 5 шақырым жүріп өтіп, теңіз деңгейінен 3 000 метр биіктікте туристерді тапты.

Кейін оларды Шымбұлаққа дейін аман-есен жеткізді. Зардап шеккендерге медициналық көмек қажет болмады.

ТЖМ тұрғындарға тауға шығарда маршрутты алдын ала зерттеп, жақындарына хабарлап отыруды, ауа райын тексеруді және байланыс құралдарын өзімен бірге алуды ескертеді.