Neuralink ми имплантаттарын алғандар саны артып келеді

Илон Маск негізін қалаған Neuralink компаниясы әлем бойынша 12 адамға ми чиптері орнатылғанын жариялады, деп хабарлайды Egemen.kz.

Neuralink мәліметінше, сынаққа қатысушылардың импланттарды пайдалану ұзақтығы жиынтығында 2000 күннен және 15 000 сағаттан асып кеткен. Компания өз хабарламасында барлық қатысушыларымызбен бірге нейроинтерфейстердің жаңа мүмкіндіктерін зерттеуді жалғастыруға қуанышты екендерін атап өткен.

Сонымен қатар қатысушылар санының акүрт өскені атап өтілген. Мәселен, маусым айында бар-жоғы жеті науқастың ғана чип иеленгені жарияланған еді. Neuralink-тің адамға алғаш рет ми имплантатын орнатқаны туралы дерек 2024 жылдың қаңтарында белгілі болған.

Сондай-ақ, биылғы шілде айында Neuralink өз ми интерфейстерінің әлеуетін зерттеуге бағытталған кең ауқымды ғылыми жұмыс бастаған. Бұл зерттеуге Ұлыбританияның Лондон университеттік колледжі мен Ньюкасл ауруханасының ғалымдары қатысып жатыр.