Әлемде еттің бағасы қандай?

Әлемдік нарықта да еттің бағасы шарықтады. Біріккен Ұлттар Ұйымы ақпарына сүйенсек мұндай жағдай осыдан 3 жыл бұрын байқалған. Бағаның көтерілуіне АҚШ пен Қытайдағы сиыр етіне сұраныстың күшеюі, сондай-ақ жаһанда ірі қара мал басының азаюы түрткі болып отыр.

Numbeo халықаралық сервисінің қыркүйек айындағы деректеріне сүйенсек, әлемдегі ең қымбат сиыр еті — Еуропада. Швейцария сиырдың лоқ етін – 49 долларға, бұл шамамен 26 мың теңге, Исландияда – 44 долларға, ал Норвегия – 30 долларға бағалап отыр. Ал Пәкістан, Танзания және Руанда халқы етті 4 долларға сатып алады.

Ал Ұлыбританияда ет бағасы төмендеу – америкалықтарға қарағанда екі мың теңгеге арзан. Бірақ нарықтағы жағдай мәз емес. Ел тарихындағы ең құрғақ кезең мал азығына шығынды еселеп жіберді. Шаруалар аптасына мың фунт стерлингке дейін жұмсап отыр. Егер жағдай түзелмесе, фермерлер мал басын азайтуға мәжбүр болуы мүмкін.

Аргентина халқы ірі қара етін бұрынғыдай молынан жей алмайды. Баға өскен соң тұтынушылардың таңдауы құс етіне ауысты. Тауық еті адам басына шаққанда сиыр етінен асып түсті – 49 келіге жетті. Сарапшылар мал шаруашылығын ұстау күннен-күнге қиындап келе жатқанын айтады.