Ақтөбеде 12 адам қаза тапқан жол апатынан аман қалғандардың барлығы ем қабылдап жатыр

1 науқас әлі күнге дейін есін жимаған .

Самара-Шымкент тасжолындағы жол-көлік апатында зардап шеккен жолаушылардың 6-уыда Ақтөбе қаласындағы емдеу орындарына жеткізілді.

Қазіргі кезде 4 науқас №1 Ақтөбе қалалық ауруханасында, біреуі Ақтөбе көпсалалы ауруханасында, 1-еуі балалар ауруханасында жатыр, деп хабарлайды inbusiness.kz сайты.

"№1 Ақтөбе қалалық ауруханасында жатқан төрт науқастың 3-еуі есін біледі, жағдайы жақсарып келеді. Ал 1 науқас – ес-түзсіз күйде. Ақтөбе облыстық балалар ауруханасында жатқан жасөспірімнің бірнеше жарақаты бар. Ол есін жимады. Дәрігерлер ҚР бас балалар нейрохирургінің міндетін атқарушының нұсқауын орындап жатыр", – деп хабарлады Ақтөбе облыстық денсаулық сақтау басқармасының баспасөз қызметі.

Тағы 1 науқас қазір Ақтөбе көпсалалы ауруханасында жатыр. Ол урология бөлімінің жансақтау бөлімінде болғанымен, есін біледі.