Шри-Ланка 2025 жылдың басынан бері туризмнен 2,6 млрд доллардан астам табыс түсірді

2025 жылдың алғашқы он айында Шри-Ланка туризм саласынан 2,66 млрд доллар табыс тапты, деп хабарлайды Синьхуа агенттігі .

Шри-Ланка Орталық банкінің деректеріне сәйкес, бұл өткен жылдың сәйкес кезеңімен салыстырғанда 4,9 пайызға жоғары көрсеткіш.

Тек қазан айының өзінде туризмнен түскен кіріс 186,1 млн долларға жеткен. Ал Шри-Ланка туризмді дамыту басқармасының мәліметінше, 1 қаңтар мен 12 қараша аралығында елге 1,9 млн-нан астам шетелдік турист келген.

Туристер легі бойынша Үндістан көш бастап тұр – 443 622 адам. Олардың артынан 180 592 туристпен Ұлыбритания, 144 308 адаммен Ресей, 123 053 адаммен Германия және 115 400 адаммен Қытай орналасқан.